曾蔭權其實貪咗啲乜？

曾蔭權為官四十五年，最近被揭穿接受富豪私人飛機遊艇同澳門酒店豪華房款待，係就係衰啲，但其實冇實質利益袋落袋。同樣係公務員，屋宇署同機電工程署嗰的科文、幫辦，佢哋過年過節收嗰的判頭嘅利是（紅包），一封五百，一次起碼收一百幾十封。仲有無時無刻嘅飲飲食食，呢啲咁嘅利益，出手嗰個雖然唔係富豪名人，但利益實實在在袋落袋。

曾蔭權真係好「扌然」無辜！唐英年雖然政治前途早逝，但起碼可以自掘墳墓僭建個地下唐宮！梁振英雖然西九攞唔到獎，但起碼都係戴德梁行話事人！！

曾蔭權做咗七年欽點特首，除咗畀人鬧佢去買咗港人利益之外，有冇好似屋宇署同機電工程署嗰的科文、幫辦咁，無時無刻咁得到啲判頭飲飲食食同埋過年過節嘅利是？真係可「扌然」憐！！